Annasaheb Patil Mahamandal- अण्णासाहेब पाटील महामंडळ माहिती

अण्णासाहेब पाटील यांचा जन्म २३ सप्टेंबर १९३३ रोजी पाटण तालुक्यातील मंगरुळे या गावी झाला. त्यांचा जन्म एका गरीब शेतकरी कुटुंबात झाला. गावात कामाच्या अभावामुळे त्या काळी बरेच लोक मुंबई कडे आपली पाऊले फिरवत होते. मुंबई मध्ये उद्योग जोरात वाढत होते आणि सोबतच रोजगार संधी. अशाच रोजगाराच्या शोधात माणसे मोठ्या प्रमाणात मुंबई ला स्थलांतरित होऊन तिथं मिळेल ते काम करू लागली. मुंबई मध्ये अशाच कामगारांमध्ये माथाडी कामगारची संख्या मोठ्या प्रमाणात होती. विविध गोदामे, बाजारपेठ मध्ये मजूर माथाडी कामगार म्हणून काम करत होते. माथाडी काम हे पूर्ण शारीरिक काम असून यात कसलीच हमी नव्हती जोवर शरीरात जोर आहे तोवर काम काही दुखापत झाली किंवा उतरत्या वयात या कामगारांचे खूप हाल व्हायचे. सोबतच कामासाठी हवा तसा मोबदला मिळत नव्हता. माथाडी कामगारांची अनेक प्रकारे पिळवणूक व्हायची. याच काळात अण्णासाहेब पाटील देखील मुंबई ला आले त्यांनी स्वतः मुंबई मध्ये काम करायला सुरवात केली. त्यांनी माथाडी कामगारांची होणारी पिळवणूक जवळून अनुभवली. तिथूनच त्यांनी माथाडी कामगार च्या हक्कासाठी लढायला सुरवात केली. कामगारांच्या हक्कासाठी विविध आंदोलने केली. पुढे ते माथाडी कामगार नेते म्हणून समोर आले. १९६९ मध्ये मुख्यमंत्री यशवंतराव  चव्हाण च्या काळात ५ जून १९६९ ला माथाडी कामगार कायदा अस्तित्वात आला. माथाडी कामगार मध्ये मोठ्या  प्रमाणात मराठा समाजातील लोक होते त्याच्यासाठी आरक्षण असावे याची जाणीव अण्णासाहेब पाटील यांना होती १९८० च्या दशकात त्यांनी मराठा आरक्षणासाठी आंदोलने केली. मराठा समजला आरक्षण  देण्याचा लढा खरा अण्णासाहेब पाटील यांनी सुरु केला. २२ मार्च १९८२ मध्ये मुंबई मराठा आंदोनल साठी त्यांनी मोठा मोर्चा घडवून आणला. मागण्या मान्य केल्या नाही तर स्वतः वर गोळी चालवण्याचा इशारा त्यांनी दिला. शासनाकडून त्यांच्या या इशाऱ्याकडे दुर्लक्ष करून मागण्या अमान्य केल्या, मात्र अण्णासाहेबांनी त्यांचा शब्द राखला आणि २३ मार्च ला स्वतःवर गोळी झाडून आपले जीवन संपवले. शेवट्पर्यंत ते माथाडी व मराठा समाजासाठी आपले कार्य करत होते.